Легендата на Милан, Паоло Малдини ја изрази својата поддршка за назначувањето на Масимилијано Алгери како нов тренер на Милан.
Алгери сеуште не е официјално назначен за тренер на росоњерите, со оглед на фактот дека тренерот сеуште има договор со тимот на Каљари, но се очекува двата клуба да постигнат договор на почетокот од следната недела.
„Варијантата Алгери ми се допаѓа, ми се допаѓа неговиот стил и играта која ја покажуваат неговите тимови. Може да се каже дека тој е поврзан со минатото на Милан“, изјави поранешниот дефанзивец.
Малдини исто така коментираше и ги кажа своите видувања за учеството на светскиот шампион Италија на Мундиалот 2010.
Според него, напаѓачите на Скуадра Азура се навистина квалитетни. Запрашан кои селекции се фаворити, Малдини ги спомена Шпанија и Англија, заедно со неговата Италија а не пропушти да го каже и Бразил.
