Навивачите на Милан остро протестираа против сопственикот на клубот Силвио Берлускони, заради што вториот човек на „росонерите“ Адријано Галијани ги нарече неблагодарни.
Навивачите на црвено-црните на мечот против Јувентус истакнаа голем број транспаренти преку кои им се заблагодарија на Леонардо и играчите, но остро го критикуваа својот претседател.
„Навивачите се многу неблагодарни, бидејќи кога го презедовме Милан, клубот беше пред банкрот, а по 25 години големи инвестиции доживеавме осум финалиња во Купот.“
„Не можам ни да замислам што ќе се случеше да имавме сезона како Јувентус. Ова е најуспешниот клуб на светот и тоа не може да се игнорира.“ - изјави Галијани.
„Не знам зошто навивачите се одлучија на ваков чекор. Им велам дека мора да бидат многу благодарни на Берлускони за одличните години кои ги минавме заедно.“
„Без Берлускони, Милан само би вегетирал. Тој го одведе овој клуб од банкрот до врвот на светот. Секој неутрален вљубеник во фудбалот тоа мора да го почитува.“ - додаде потпретседателот на Милан.
