Потпретседателот на италијанскиот фудбалски гигант Милан Адриано Галијани вели дека неговиот клуб располага со доволно финансиски средства за да ангажира фудбалери од врвен калибар за наредната сезона.
„Подготвени сме да инвестираме во некој голем играч кој располага со фантастични фудбалски квалитети.“ - изјави Галијани за италијански „Скај Спорт 24“.
Сепак, вториот човек на Милан ги смируваше шпекулациите дека „росонерите“ ќе го купат напаѓачот на Барселона Златан Ибрахимовиќ, кој е поранешен играч на вешните ривали Интер и Јувентус.
Галијани покрај тоа додаде дека клубот нема намера и во ниту еден момент нема размислувано да ја прекине соработката со холанѓанецот Клас-Јан Хунтелар.
„Ибрахимовиќ? Неговата плата е премногу голема за да се врати во Италија. Од друга страна, сакам да додадам дека ќе го задржиме Хунтелар, бидејќи желбата за останување во Серија А е обострана.“ - додаде Галијани.