Екипата на Милан соопшти дека американскиот интернационалец Огучи Ониеву ја продолжил верноста за уште една година и побарал да игра една година без плата
Ониеву ја пропушти речиси целата сезона 2009/10 поради сериозна повреда на коленото бележејќи само еден настап за Росоњерите, пред да ја скине тетивата на неговото лево колено за настап на репрезентацијата на САД.
Тој имаше уште две години од договорот со Милан, но дефанзивецот побарал да ја продолжи верноста за уште една година и да да не добива плата во тие екстра 12 месеци.
Клубот го прифатил барањето и Ониеву стави потпис на договор со кој сега е обврзан кон Милан до 2013.
Соопштението на официјалната веб страна на Милан гласеше: “Ониеву, кој практично ја пропушти целата сезона поради повреда, но е на добар пат да биде подготвен за настап на Светското Првенство во Јужна Африка, денеска направи значаен гест од персонална и професионална гледна точка.”
“Ониеву побара и доби продолжување на договорот од 30 јуни, 2012 до 30 јуни 2013.”
“Таа екстра година, по желба на играчот, нешто што клубот многу го цени, Ониеву побара да не добива никаква плата. Ова е гест за пример па затоа клубот испраќа искрени честитки до играчот.”
