Италијанската јавност го најави скорешниот развод на бразилскиот фудбалер, 20-годишниот Пато кој беше оженет со три години постарата Стефани Брито по само десет месеци брак.
Ѕвездата на Милан кој оваа сезона одигра малку натпревари поради зачестените повреди, со глумицата Брито се ожени на почетокот од мај 2009-та година, а раскошната венчавка беше приредена во Копакабана Палас, и чинеше околу половина милион американски долари.
Но, идилата многу брзо престанал како и љубовта на младиот брачен пар. Така Пато веќе се отселил од заедничкиот стан, и некое време живее во хотел, додека неговите адвокати веќе покренале бракоразводна постпка.
Инаку, бразилските медиуми први открија дека врската меѓу Пато и Брито е пред распад, а според нивните информации главна причина за тоа е што Пато, првенствено со Роналдињо, минатата и оваа година бил секојдневно забележуван во неколку ноќни клубови во Италија.
