Бразилскиот играч за врска, Роналдињо, оваа сезона блескаше во Серија А. Против Јувентус синоќа постигна два гола со конечен скор од 12 погодоци и 18 асистенции, но тоа селекторот на Бразил, Карлос Дунга тоа не го забележува.
„Во неговите квалитети никој нема право да се сомнева, но мојата одлука е основана на јасни причини. Во рацете имам тим на победници подготвени да му помогнат на Бразил да ја оствари својата цел.“
„Убеден сум дека сите тие ќе го својот максимум во дресот на репрезентацијата. Јас одлучувам спрема виденото на теренот.“ - изјави селекторот на Бразил, Карлос Дунга, откако го изостави Роналдињо од списокот за СП.
Дунга на теренот очигледно не виде дека Роналдињо во дресот на Милан постигна 12 погодоци и запиша 18 аситенции оваа сезона!
Бразилскиот магионичар повторно докажа дека не ја загубил својата моќ. Блескаше на дерби мечот со Јувентус, притоа постигнувајќи два погодоци во последното коло од Серија А во саботата.
„За отсуството на моето име од списокот патници на Мундијалот можам да одговорам само на тревникот. Ако Дунга не ме избра, тоа е негово право, кое го почитувам.“
„Оваа сезона направив многу добри работи. Не сакам да се заморувам споредувајќи се со други играчи. Дали некој дал повеќе, а некој помалку, не е мое да судам.“ - изјави Роналдињо, кој би можел да биде вклучен во репрезентацијата на Бразил, само доколку некој се повреди.
