Адриано Галијани уште еднаш нагласи дека тие немаат намера да ги продадат своите најголеми ѕвезди ова лето
Потпретседателот на Росоњерите им порача на сите заинтересирани клубови да заборават на нивната млада ѕвезда, Александре Пато.
За иднината на бразилскиот интернационалец долго време се шпекулира а утрово се појавија извештаи дека Челзи е подготвен да одвои мало богатство за услугите на напаѓачот.
Corriere dello Sport објави дека Карло Анчелоти е подготвен да одвои 80 милиони евра за на Стемфорд Бриџ да се пресели Александре Пато и неговиот сонародник и соиграч од Милан, Тиаго Силва.
Но Адриано Галијани вели дека тој е 100% сигурен во останување на Александре Пато на Сан Сиро.
“Јас сум 100% сигурен дека Пато ќе остане во Милан.” – рече Галијани за La Gazzetta dello Sport.
“Милан нема да ги стави на продажба своите најдобри играчи.”
Во меѓувреме се очекува денеска Пато да започне со целосни тренинзи откако се мачеше со повреда на тетивата зад коленото и можно е напаѓачот да настапи на дуелот со Џенова овој викенд.