Каталонскиот весник Sport вели дека екипата на Милан важи за фаворит во трката со Челзи и Манчестер Сити за услугите на Златан Ибрахимович
Откако Барселона го коплетираше трнсферот на Давид Виља се погласни се шпекулациите на медиумите за заминување на Златан Ибрахимович и покрај тоа што управата на клубот вели дека шведскиот интернационалец не е на продажба.
Се веруваше дека Барселона веќе ги понудила услугите на Ибра на Челзи и Манчестер Сити, клубови кои имаат финансиска моќ за реализација на ваквата зделка.
Но според денешното издание на Sport екипата на Милан важи за голем фаворит во трката за потписот на напаѓачот.
Весникот на својата предна страна вели дека Силвио Берлускони е подоговен да достави богата понуда до управата на Барселона со цел да го врати Златан Ибрахимович во Серија А.
Извештајот говори дека сосптвеникот на Милан бара големо име за засилување на нападот бидејќи Инѕаги е пред крајот на кариерата а ангажманот на Клас Јан Хунтелар не донесе ништо специјално во форот на Росоњерите.
Додатно се вели дека, Ибра доколку реши да замине од Барселона приоритет ќе му биде Италија, каде што веќе настапуваше во дресот на Интер и Јувентус, а не Премиер Лигата.
Самиот играч за медиумите од Шведска пред некој ден изјави дека не посакува преселба во Англија поради лошите временски прилики односно честите врнежи од дожд.