Претседателот на Милан Силвио Берлускони денеска излезе со официјална потврда дека менаџерот на Милан Леонардо на крајот ја напушта клупата на „росонерите“.
Иднината на Леонардо на клупата на италијанскиот прволигаш веќе некое време е тема на бројните светски медиуми. Критиките кои во текот на сезоната му ги упатуваше Берлускони придонесоа за бројните шпекулации околу неговото напуштање на клупата на Милан, а сега нема повеќе сомнежи во тоа.
„Да, Леонардо заминува. Работиме на ангажман на нов тренер.“ - изјави Берлускони за најтиражниот италијански спортски весник „Кориере дело Спорт“.
„Кој ќе биде новиот тренер? Разговараме со неколку луѓе. Леонардо беше премногу тврдоглав, а тимот играше лошо оваа сезона. Тоа се едноставни причини.“ - додаде првиот човек на Милан.
Италијанскиот дневник наведува дека главни кандидати за клупата на Милан се некогашните играчи на „црвено-црните“, а денеска клупски советници, Мауро Тасоти и Филипо Гали.
Леонардо пак, веќе долго време се споменува како иден бразилски селектор, со оглед на тоа дека актуелниот предводник на „кариоките“ Дунга најави дека по овогодинешното Светско Првенство во Јужна Африка ја напушта актуелната работа.